Şəki Şəhər İcra Hakimiyyəti:

Açılış Səhifəsi et

Favorilərə əlavə et

Bizimlə Əlaqə

Ana Səhifə

Xəbərlər

İcra Hakimiyyətinin Başçısı

Struktur

Tarix və Atributlar

Qardaş şəhərlər

Şəki dünya arenasında

Foto qalereya

Video qalereya

Kitabxana

Qəbul günləri

Rəy kitabı

Bizimlə əlaqə

Şəkiyə aid Veb-resurslar

Hava haqqında

Şəki Şəhər İcra Hakimiyyətinin internet Səhifəsinə xoş gəldiniz.

Sizlərə təqdim olunan, Şəki Şəhər İcra Hakimiyyətinin Rəsmi İnternet Səhifəsi vasitəsi ilə şəhərimizin sosial-iqdisadi, ictimai-siyasi və mədəni həyatında baş verən bütün yenilikləri vaxtında və dəqiq əldə edə biləcəksiniz. Bundan əlavə İnternet Səhifəsi Şəki Şəhər İcra Hakimiyyətinin bütün strukturları ilə idarə, müəssisə və təşkilat rəhbərlərinin, o cümlədən bütün əhalinin birbaşa ünsiyyət yaratmasına imkan verəcəkdir.

Şəki gəncləri öz bayramlarını yüksək əhvali-ruhiyyə ilə qeyd edirlər

Şəki gəncləri 2 fevral - Azərbaycan Gəncləri Gününü yüksək nailiyyətlər və xoş əhvali-ruhiyyə ilə qeyd edirlər. Rayonun gəncləri 2011-ci ildə təhsil, mədəniyyət, incəsənət və digər sahələrdə böyük uğur qazanmış, dövlət quruculuğu işlərində, rayonun ictimai-siyasi və mədəni həyatında fəallıq göstərmişlər. Ötən il idmançılar üçün də uğurlu olmuş, rayonun yetirmələri 33 yerli, 45 respublika və beynəlxalq səviyyəli yarışlarda iştirak etmişlər. İdmançılar bu yarışlarda 15-i qızıl, 11-i gümüş, 21-i bürünc olmaqla, 47 medal qazanmışlar.
Bu fikirlər əlamətdar gün münasibətilə Şəki şəhərində keçirilən bayram tədbirində şəhər gənclər və idman idarəsinin rəisi Vüqar İskəndərovun çıxışında səslənmişdir.

Xəbərin ardı..

Şəkidə silsilə idman tədbirlərinin keçirilməsi nəzərdə tutulur

Məlum olduğu kimi, müstəqilliyimizi əldə etdiyimiz vaxtdan bu günə qədər Azərbaycan idmançılarının müxtəlif səviyyəli beynəlxalq yarışlarda qazandığı böyük uğurları nəzərə alan ölkə başçısı cənab İlham Əliyev idman sahəsində daha yüksək göstəricilərin təmin edilməsi məqsədilə xüsusi sərəncamı imzalamış və 2012-ci ili “İdman ili” elan etmişdir. Cənab Prezidentin bu sərəncamı söz yox ki, respublikanın bütün şəhər və rayonlarında olduğu kimi Şəki idmançılarının, eləcə də şəhərimizdə fəaliyyət göstərən aidiyyəti təşkilatlar qarşısında mühüm vəzifələr qoyur.
2012-ci ildə qarşıda duran vəzifələri müəyyənləşdirmək məqsədilə Şəki Şəhər Gənclər və İdman İdarəsində şəhər idman ictimaiyyətinin nümayəndələri, idman məktəbləri, federasiya və klublarının rəhbərləri ilə görüş keçirilmişdir.

Xəbərin ardı..

Müharibə əlilləri və şəhid ailələri üçün daha bir yaşayış binası tikiləcəkdir

Cari ildə Şəki şəhərində Qarabağ müharibəsi əlilləri və şəhid ailələri üçün 36 mənzilli daha bir ev tikiləcəkdir. Dörd mərtəbədən ibarət olacaq yeni binanın layihə-smeta sənədləri artıq hazırdır. Tezliklə tikinti işlərinə başlanılacaqdır.
Bu qəbildən olan insanların mənzil şəraitini yaxşılaşdırmaq məqsədilə indiyədək dövlət vəsaiti ilə Şəki şəhərində mənzillərinin ümumi sayı 78 olan 3 bina, habelə kəndlərdə 10 nəfər Qarabağ müharibəsi və bir nəfər Çernobıl əlili üçün fərdi yaşayış evləri tikilib istifadəyə verilmişdir.
Əhalinin sosial müdafiəsi mərkəzindən bildirmişlər ki, bundan əlavə, 2012-ci ildə Şəki şəhərində yetkinlik yaşına çatmayan kimsəsiz uşaqlar üçün 30 yerlik ixtisaslaşdırılmış bərpa mərkəzi və 25 yerlik sosial sığınacağın tikintisi də nəzərdə tutulur.
Bu obyektlərin də layihələndirmə işləri artıq başa çatmışdır.

Xidmət təşkilatları gücləndirilmiş iş rejminə keçmişlər

2011-2012-ci ilin payız-qış mövsümünə hazırlıqla bağlı müxtəlif idarə müəssisə və təşkilatlar tərəfindən müvafiq hazırlıq işləri aparılsa da, qış mövsümünün gözləniləndən soyuq və şaxtalı keçməsi sözügedən təşklatların qarşısında müəyyən tələblər qoyur. Belə ki, əhalinin həyat şəraitinin normal davam etdirilməsi, təhsil, səhiyyə və mədəniyyət müəssisələrində gündəlik iş ahənginin pozulmaması üçün kommunal-xidmət, eləcə də aidiyyəti təşkilatlar tərəfindən fasiləsiz elektrik enerjisi, təbii qaz, içməli su təchizatının, rabitə xidmətinin, eyni zamanda nəqliyyatın və əhalinin təhlükəsizliyinin təmin olunması məqsədilə təxirəsalınmaz tədbirlər görülməlidir.
Buna görə Şəki Şəhər İcra Hakimiyyətinin başçısı şaxtalı hava şəraiti ilə bağlı yarana biləcək hər hansı bir problemin qarşısının alınması məqəsdilə xüsusi sərəncam imzalamışdır.

Xəbərin ardı..

Əmlakınızı sığortalamağa tələsin

Respublikamızda sığorta işinin təşkili dövrün iqtisadi və sosial tələblərinə uyğun olaraq yenidən qurulmuş və təkmilləşdirilmişdir. Azərbaycan Respublikası Maliyyə Nazirliyinin Şəki Şəhər İcra Hakimiyyətinə ünvanladığı məktubda bildirilir ki, “İcbari sığortalar haqqında” Azərbaycan Respublikasının 2011-ci il 24 iyun tarixli 165-IVQ nömrəli Qanununun icrasının təmin edilməsi məqsədilə hazırlanmış normativ hüquqi aktlar artıq qüvvəyə minmiş və sığortaçılar tərəfindən həmin qanunla nəzərdə tutulan icbari sığortalar üzrə fəaliyyətə başlanılmışdır.
Qeyd olunan qanunun 75-ci maddəsi və qanunun tətbiq edilməsi barədə Azərbaycan Respublikası Prezidentinin 2011-ci il 15 sentyabr tarixli, 500 nömrəli Fərmanının 4.4-cü bəndi ilə yaşayış binaları, yaşayış evləri və mənzillərin icbari qaydada sığortalanmasının təmin edilməsinə nazərətin Azərbaycan Respublikasının müvafiq yerli icra hakimiyyəti orqanları tərəfindən həyata keçirildiyi müəyyən edilmişdir.
Bildirilir ki, müəssisə, təşkilat və ayrı-ayrı insanlara məxsus əmlakların, yaşayış binaları, yaşayış evləri və mənzillərin icbari qaydada siğortalanmasının təmin edilməsi istiqamətində tədbirlərin artıq həyata keçirilməsinə başlanmışdır. Odur ki, əmlaklarınızın sığortalanmasını vaxtında həyata keçirin.

M.F.Axundzadə adına park yenidən qurulur

Azərbaycan milli dramaturgiyasının banisi Mirzə Fətəli Axundzadənin 200 illik yubileyinə hazırlıq tədbirləri çərçivəsində Şəki şəhərində dahi mütəfəkkirin adını daşıyan mədəniyyət və istirahət parkında geniş abadlıq və yenidənqurma işləri aparılır.
Ümumi ərazisi 3,4 hektar olan parkda süni göl və şəlalənin, fəvvarəli iki hovuzun, idman və əyləncə meydançalarının tikintisi sürətlə davam etdirilir. Ərazidə işıqlandırma sistemi yenidən qurulmuşdur. Böyük mütəfəkkirin heykəlinin qoyulduğu meydança da əsaslı şəkildə yenidən qurulur. Tikinti işləri başa çatdıqdan sonra parkın ərazisində geniş yaşıllaşdırma və abadlıq işləri aparılacaq, uşaqların əylənməsi üçün yeni attraksionlar quraşdırılacaqdır.
Parkda aparılan yenidənqurma işlərinin böyük ədibin yubileyinədək başa çatdırılması nəzərdə tutulur.

20 Yanvar faciəsinə həsr olunmuş ümumşəhər tədbiri

Müasir Azərbaycan tarixinin ən faciəli, eyni zamanda azadlıq mübarizəmizin ən şanlı səhifələrindən olan 20 Yanvar faciəsinin 22-ci ildönümü Şəkidə xalqımızın qəhrəmanlıq salnaməsi, fəxarət və şərəf günü kimi qeyd edilmişdir.
Faciənin ildönümü ilə bağlı tədbirlər planına uyğun olaraq, yerlərdə silsilə tədbirlər, anma mərasimləri keçirilmiş, şəhidlərin əziz xatirəsi ehtiramla yad edilmişdir. Hüzn günü ilə əlaqədar ümumtəhsil məktəblərində inşa yazı və rəsm müsabiqələri təşkil olunmuş, yanvarın 19-da məktəblərdə ilk dərslər 20 Yanvar mövzusuna həsr olunmuşdur.
Yanvarın 20-də Şəki şəhərindəki əsaslı təmir olunmuş və yenidən qurulmuş Şəhidlər xiyabanında ictimaiyyət nümayəndələrinin, müharibə və əmək veteranlarının iştirakı ilə ümumşəhər mitinqi keçirilmişdir. Şəhidlərin ruhuna dua oxunmuş, qəbirlərin üzərinə gül-çiçək dəstələri qoymuşlar.
Toplantını giriş sözü ilə şəhər icra hakimiyyəti başçısının müavini Zərinə Cavadova açaraq 20 Yanvar gününün müasir Azərbaycan tarixində xalqımızın azadlıq mübarizəsi və qəhrəmanlıq salnaməsinin ən parlaq səhifələrdən biri kimi böyük əhəmiyyət daşıdığını bildirmişdir. Vurğulanmışdır ki, məhz 1990-cı il 20 yanvar gecəsində Azərbaycan xalqı özünün yenilməzliyini, qəhrəmanlığını, azadlıq uğrunda mübarizə əzmini bir daha bütün dünyaya bəyan etmişdir.

Xəbərin ardı..

Səhifəyə keçid [1] 2 3 ... 96 97 98

Müdrik Kəlamlar

Tarix heç nəyi silmir. Heydər Əliyev.

Qalereyadan Şəkillər

[001]

Elanlar

ELAN

Ədliyyə Nazirliyinin tibb xidmətinə qulluğa qəbulla bağlı müsabiqə davam edir

[ Ardını oxu... ]

Elanlar arxivi

Arxivi göstər

Multimediya

Sorğu

Xəbərlər 2012

Be	Ça	Çş	Ca	Cm	Şb	Br
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29

Arxiv

|Sayt "MicroEnn Group Production" MMC tərəfindən dizayn və redaktə edilmişdir.|
Saytda texniki səhv gördüyünüz zaman xahiş olunur dərhal bu haqda office@microenn.com adresinə məktub yazaraq bildirin.
İstifadə olunan proqram təminatı e107 CMS

|Bütün hüquqlar Şəki Şəhər İcra Hakimiyyətinə Məxsusdur.|
İstifadə olunan hər bir məlumatın sonunda mənbə olaraq www.sheki-ih.gov.az saytının göstərilməsi mütləqdir.